ചൊറിതനം/ ചൊറിയണം; ഒരുതരം ചോറി ഉണ്ടാക്കുന്ന ചെടി

ഹരിതവർണം  തന്നെയാണ് എനിക്കും കിട്ടിയത്.
പീലികൾ പോലെ ഇലകൾ ഇല്ലാത്തവൻ.
ചൂടാൻ പൂക്കൾ പൊഴിക്കാത്തവൻ.
പഥികന് തണലേകാൻ വേണ്ടത്ര പൊക്കമില്ലാത്തവൻ.
ആകർഷിക്കും വിധം ആകാരമില്ലാത്തവൻ.
ചില്ലകൾ ഇല്ലാത്തവൻ.

ഒന്നുണ്ട് ചൊറി, ദേഹമാസകലം.
ഇലകളിലും, തണ്ടുകളിലും.
സൃഷ്ടാവിന്റെ കുസൃതിയാൽ വിതറിയ
നായിങ്കരണ പൊടിയാണ് ആസകലം.
അതാവും പൂചെട്ടികളിൽ എന്നെ കാണാത്തത്,
പൂവാടികളിൽ ഞാൻ ഇല്ലാത്തതും.
നല്ലതാ....
എന്തിനാ തൊട്ട്  നിങ്ങൾക്ക് ചൊറി ആകുന്നത്.
ഞാൻ ഈ മൂലയിൽ നിന്ന് ചീയട്ടെ.