അവളുണ്ട്. മഴ ഉണ്ട്. നല്ല മഴ ഉണ്ട്. ഹൃദയത്തിൽ കലരുന്നുമുണ്ട്. മഷിയിൽ പടരുന്നുമുണ്ട്.
Monday, December 29, 2014
കാലം കനലായ് എന്നിൽ അവതരിച്ചാലും
നീ എന്ന സത്യം എന്നിൽ ഉണ്ടാകും.
എന്റെ ഹൃദയത്തിന്റെ ആഴങ്ങളിൽ.
തീയും തീയും വിസ്പോടനം തീർക്കും എന്ന് ജ്യോതിഷം പറയാറുണ്ട് ഞങ്ങളോട്. സേഹത്തിന്റെ, പ്രണയത്തിന്റെ, ആശയത്തിന്റെ, ജ്ഞാനത്തിന്റെ, കാമത്തിന്റെ വിസ്പോടങ്ങലാണ് നമ്മൾ സാക്ഷ്യം വഹിച്ചത്. അർത്ഥത്തെ സിദ്ധിച്ച നിനക്ക് ലോകത്തിന് വെളിച്ചം പകർന്ന നിനക്ക് എന്തിനാണ് ഞങ്ങൾ തെളിച്ച തിരികൾ; കൂടുതൽ തെളിഞ്ഞ വെളിച്ചം നേടനാണോ? അതോ ഞങ്ങൾ പരസ്പരം ചേരേണ്ടതാണ് എന്ന് നീയും പറഞ്ഞതാണോ പലായനത്തിന്റെ വിയർപ്പ് വീണ മണ്ണിൽ ഇരുന്നുകൊണ്ട്, ഒരു വിളക്കിന്റെ പാതി തിരികൾ എനിക്കും പാതി അവൾക്കും നൽകി?
നമ്മുടെ മാത്രം ചെവികൾ കേട്ടാലും പ്രതിധ്വനി അപാരമാണ്. അവ രക്തത്തിൽ പോലും അലകൾ തീർക്കും. എന്റെയും നിന്റെയും പിന്നെ അവരുടേയും.
Wednesday, November 19, 2014
ഇന്നലകൾ ശവകല്ലറകളിലാണ്, പിശാചുക്കൾക്ക് ജന്മം നൽകാത്ത വിധം കുരിശ് തറച്ച് മൂടിയിരിക്കുകയാണ്, ഓജോ ബോഡിനുപോലും കിട്ടാനാവാത്ത വിധം. പിറക്കാത്ത നാളകളെ കാത്തിരിക്കാറുമില്ല. ഈ നിമിഷങ്ങളിലാണ് ഞാൻ ജീവിക്കുന്നത്, സന്തോഷിക്കുന്നത്, ചിരിക്കുന്നത്, കരയുന്നത്, ദേഷ്യപ്പെടുന്നതും.
നിന്റെ ഇന്നലകൾ ഞാൻ ചോതിക്കില്ല. നിന്റെ ഓർമകളിൽ സ്ഥാനവും വേണ്ട. കാരണം. ഇന്നലകൾ എനിക്ക് ചങ്ങലകളല്ല, നാളകളിൽ വിശ്വാസവുമില്ല, ഈ നിമിഷങ്ങളെയാണ് എനിക്ക് വേണ്ടത്, ഇതിലാണ് ഞാൻ ജീവിക്കുന്നതും. ഞാൻ മരിക്കുമ്പോൾ കൂടെയീ- നിമിഷങ്ങളും ഉള്ളിൽ നിന്നുമായണം. കരയിൽ പതിഞ്ഞ പാദം കടലെടുക്കും പോലെ