പുഴ

എന്നോ ഒഴുകി തീരേണ്ടാതാണ്.
കോരിയെത്രയെത്ര  എടുക്കാനാവും,
കുടിച്ചെത്ര തീർക്കാനാവും,
തടഞ്ഞെത്ര നിർത്താനാവും,
തുരന്നെത്ര വിഴുങ്ങാനാവും,

 ഞാനൊരു പുഴ..

എന്റെ വ്യാപ്തി നിന്നെ അമ്പരപ്പിച്ചേക്കാം,
എന്റെ ശബ്ദം നിന്നെ ആകർഷിച്ചേക്കാം,
എന്റെ തണുവ്  നിന്റെ ഉള്ള് തണുപ്പിച്ചേക്കാം,
പക്ഷേ... ഭയപ്പെടേണ്ട;
എന്റെ ആഴമറിഞ്ഞ് നീ ഭയപ്പെടേണ്ട......
കാരണം നിനക്കൊരു സമുദ്രമാവാനാവും 
എന്നേ മാറോടണക്കാനാവും.