പ്രണയത്തിന്റെ സമര മുഖം: “There is a voice that doesn’t use words. Listen."

ഇരുൾ നടന്നകന്നു പകലിനു വഴി മാറാനായിട്ടും
പാതിയെരിഞ്ഞ മണ്‍ -ചിരാഗിനിരുപുറം,
എന്തെന്നറിയാത്ത മൗനം പുതച്ചിരിക്കുന്നു നാം.
സിരകളിൽ പ്രണയം തീർത്ത നിറക്കൂട്ടുകൾ
കണ്ണുകളിൽ മഴവില്ല് വിടർത്തീട്ടും,
ചെകുത്താന്റെ കടലും, മാലാഖയുടെ വിണ്ണും,
ആരണ്യത്തിന്റെ വന്യത താണ്ടീട്ടും,
നിന്റെ ഈ മൗനം കന്യകയായൊരു
വൻകര എൻ മുന്നിൽ തീർക്കുന്നു.

പറയൂ…
ഇനിയുമീ പ്രേമം ധൈര്യം ആവശ്യപെടുന്നുവോ ?

“ഇല്ല.. ഒരുപക്ഷേ,
ഇതെനിക്ക് എന്റെ മനസ്സിനോടുള്ള
അനുസരണയില്ലയ്മയാവം.”